ສະໂມສອນນະຄອນຫຼວງວຽງຈັນ ຍັງຄົງເກັ່ງໄດ້ຢ່າງສະໝ່ຳສະເໝີ ຫຼັງຈາກໄລ່ເອົາຊະນະສະໂມສອນ ລາວ-ອາເມລິກາ ໄປແບບສະບາຍ 4-1 ມີຄະແນນຕາມຫຼັງທີມນຳໜ້າຢ່າງ ປກສ ພຽງ 1 ແຕ້ມເທົ່ານັ້ນ ໃນເຕະບານສາຍ ກ 2012.
ການແຂ່ງຂັນເຕະບານລີກສາຍ ກ ປະຈຳລະດູການ 2012ຮອບຂາໄປ ນັດກາງສັບປະດາ (21ມີນາ 2012) ມີການແຂ່ງຂັນ 3ຄູ່ ທີ່ສະໜາມກີລາແຫ່ງຊາດ ຫຼັກ 16ຄູ່ທຳອິດນະຄອນຫຼວງ ທີ່ຕັ້ງເປົ້າໄລ່ລ່າແຊັມປີນີ້ ຍັງຄົງເກັ່ງໄດ້ຢ່າງສະໝ່ຳສະເໝີ ແລະ ຍັງບໍ່ປະລາໄຊໃຫ້ທີມໃດໃນປີນີ້ ຫຼັງຈາກໄລ່ເອົາຊະນະວິທະຍາໄລລາວ-ອາເມລິກາ ຂາດຮອຍ 4-1 ໂດຍໜຸ່ມເມືອງຫຼວງ ໄດ້ປະຕູຈາກ ທົດນິລາດ ສີບຸນເຮືອງ ນາທີໆ 34 ແກ້ວພອນໄຊ ສິນທະລາວົງ ນາທີໆ 51, 85 ແລະ ພອນປະເສີດ ວົງສີປະສົມ ນາທີໆ 89 ສ່ວນ ລາວ-ອາເມລິກາ ໄດ້ປະຕູຕີໄຂ່ແຕກຈາກ ວິລະຂັນ ແກ້ວມີໄຊ ນາທີໆ 66 ສົ່ງຜົນໃຫ້ນະຄອນຫຼວງ ລົງສະໜາມໄປແລ້ວ 6 ນັດ ຊະນະ 4 ສະເໝີ 2 ມີ 14 ຄະແນນ ຕາມຫຼັງທີມນຳໜ້າຢ່າງ ປກສ ພຽງແຕ້ມດຽວເທົ່ານັ້ນ ຂະນະທີ່ ລາວ-ອາເມລິກາ ເສຍເປັນນັດທີ 3 ມີ 9 ຄະແນນ ຈາກ 6 ນັດ.
ສ່ວນຜົນອີກສອງຄູ່ໃນມື້ດຽວກັນ ເອັສຣາ ໄລ່ຖະຫຼົ່ມ ລາວລ້ານຊ້າງ 16-2 ສົ່ງຜົນໃຫ້ເອັສຣາ ມີຄະແນນເພີ່ມເປັນ 11 ແຕ້ມ ຈາກການລົງສະໜາມ 6 ນັດ ຊະນະ 3 ສະເໝີ 2 ແລະ ເສຍ 1 ສ່ວນ ລາວລ້ານຊ້າງ ລົງສະໜາມ 6 ນັດ ຊະນະ 1 ແລະ ເສຍ 5 ມີພຽງ 3 ຄະແນນ ແລະ ຄູ່ສຸດທ້າຍນັດກາງສັບປະດາ ກອງທັບ ຊະນະ ອິດສະເຕິນສະຕາ 6-1 ສົ່ງຜົນໃຫ້ ກອງທັບມີ 11 ຄະແນນ ຈາກ 6 ນັດ ຊະນະ 3 ສະເໝີ 2 ແລະ ເສຍ 1.
ไม่มีความคิดเห็น:
แสดงความคิดเห็น